लोहारा | प्रतिनिधी लोहारा
तालुक्यातील हिप्परगा (रवा) येथील ग्रामस्थांनी गावातील वाढत्या व्यसनाधीनतेला पायबंद घालण्यासाठी एक ऐतिहासिक पाऊल उचलले आहे. गावातील शांतता, सुव्यवस्था आणि तरुण पिढीचे भवितव्य सुरक्षित करण्यासाठी सर्व ग्रामस्थांनी यात्रेच्या निमित्ताने एकत्र येऊन गावात संपूर्ण दारूबंदी करण्याचा ठराव एकमताने मंजूर केला आहे.
प्रशासनाला प्रतिष्ठित व्यक्तींच्या हस्ते निवेदन देण्यात आले आहे
केवळ ठराव करून न थांबता, हिप्परगा (रवा) येथील ग्रामस्थांनी संघटित होऊन प्रशासनाचे दरवाजे ठोठावले आहेत. आज ग्रामस्थांच्या एका मोठ्या शिष्टमंडळाने खालील कार्यालयांना भेटी देऊन आपल्या मागण्यांचे निवेदन सादर करण्यात आले होते तेव्हा प्रथमता लोहरा पोलीस ठाणे
तहसील कार्यालय, लोहारा
जिल्हाधिकारी कार्यालय (कलेक्टर ऑफिस)
पोलीस अधीक्षक कार्यालय (एस.पी. ऑफिस) अशा अनेक सरकारी कार्यालयाला निवेदन देण्यात आले तेव्हा निवेदनामध्ये ग्रामस्थांनी प्रमुख मागण्या स्पष्ट केल्या आहेत, गावातील अवैध दारू विक्रीमुळे कौटुंबिक कलह वाढले असून तरुणांचे आरोग्य धोक्यात आले आहे. त्यामुळे गावात होणारी अवैध दारू विक्री तातडीने बंद करण्यात यावी
दारू विक्रेत्यांवर कडक कायदेशीर कारवाई करण्यात यावी.
भविष्यात गावात कोणत्याही प्रकारचे मद्यविक्रीचे दुकान किंवा परवाना दिला जाऊ नये.
“गावाच्या विकासासाठी आणि महिलांच्या सुरक्षिततेसाठी दारूबंदी होणे काळाची गरज होती. संपूर्ण गावाने एकत्र येऊन घेतलेला हा निर्णय हिप्परगा (रवा) गावाच्या परिवर्तनाची नांदी ठरेल,” अशी भावना ग्रामस्थांनी यावेळी व्यक्त केली.
यावेळी गावातील प्रतिष्ठित नागरिक, तरुण मंडळी आणि मोठ्या संख्येने महिला उपस्थित होत्या. आता प्रशासन यावर काय आणि किती लवकर कारवाई करते, याकडे सर्वांचे लक्ष लागले आहे.
सर्व कार्यालयत निवेदन देण्यासाठी हिप्परगा रवा गावचे पोलीस पाटील संजय नरगाळे विद्यमान उपसरपंच सुनील जाधव विद्यामान ग्रामपंचायत सदस्य विजय लोमटे
विद्यामान ग्रामपंचायत सदस्य विनोद मोरे विद्यमान ग्रामपंचायत सदस्य रावण कांबळे, व गावातील तरुण सामाजिक कार्यकर्ते दत्ता जाधव, महेश जाधव बालाजी मुळे दत्तात्रय मुळे सतीश भोसले, सतीश भोसले,
नरसिंग पांगू जाधव’ हे सर्व ग्रामस्थ उपस्थित होते
