चिंचवड प्रतिनिधी दिनांक (२९ मार्च २०२६) जागतिक महिला दिनाचे औचित्य साधून अखिल भारतीय मराठी पत्रकार परिषद मुंबई, संलग्न पिंपरी चिंचवड पत्रकार संघ व डिजिटल मिडिया परिषद पिंपरी चिंचवड यांच्या संयुक्त विद्यमाने जागतिक महिला दिनानिमित्त आयोजित करण्यात आलेल्या विशेष कार्यक्रमात विविध क्षेत्रात उल्लेखनीय कामगिरी करणाऱ्या सर्वोत्कृष्ट रणरागिणींचा सन्मान करण्यात आला.
या कार्यक्रमाला पिंपरी चिंचवड महानगरपालिकेचे महापौर रवि लांडगे ,उपमहापौर शर्मिला बाबर यांची प्रमुख उपस्थिती लाभली. परिषदेचे विश्वस्त शरद पाबळे यांच्या अध्यक्षतेखाली व पिंपरी चिंचवड पत्रकार संघ अध्यक्ष सागर सूर्यवंशी यांच्या नेतृत्वात हा कार्यक्रम संपन्न झाला. समाजातील महिलांचे योगदान अधोरेखित करण्याच्या उद्देशाने हा कार्यक्रम पत्रकार संघ दरवर्षी घेत आहे.
यावेळी मराठी पत्रकार परिषद उपाध्यक्ष गणेश मोकाशे, पुणे जिल्हाध्यक्ष सुनील लोणकर, परिषदेचे राज्य कार्यकारिणी सदस्य व पिंपरी चिंचवड पत्रकार संघ मा. अध्यक्ष अनिल वडघुले, परिषद जिल्हा संघटक चिराग फुलसुंदर, डिजिटल मिडिया परिषदेचे शहराध्यक्ष विनय सोनवणे, जिल्हा महिला समन्वयक रेखा भेगडे, समन्वयक मारुती बानेवार, महिला सरचिटणीस प्रज्ञा आबनावे तसेच पिंपरी चिंचवड पत्रकार संघ व डिजिटल मिडियाचे शिलेदार डिजिटल मिडिया शहर उपाध्यक्ष संतोष गोतावळे, महावीर जाधव, अशोक कोकणे, रमेश साठे, अनंता इंगळे, अविनाश कांबीकर, डॉ. देवीदास शेलार, पराग डिंगणकर, संजीव सूर्यवंशी, माऊली भोसले, सिद्धांत चौधरी, हनुमंत रामदासी, राकेश पगारे, जेष्ठ सदस्य प्रकाश जमाले, किशोर लष्करे, नरेश जीनवाला,, विजय न्यायाधीश, राहुल जाधव, इत्यादी पत्रकार उपस्थित होते.
या सोहळ्यांमध्ये राजमाता जिजाऊ पुरस्कार – डॉ. किशोरी आपटे, क्रांतिज्योती सावित्रीबाई फुले पुरस्कार – सुप्रिया सचिन मंडलिक, त्यागमूर्ती माता रमाई पुरस्कार – सुभद्रा आत्माराम मोकाशे, पुण्यश्लोक अहिल्याबाई होळकर पुरस्कार – स्वरांजली माने, पशुवैद्यकीय सेवारत्न पुरस्कार – डॉ. पूजा बोंबले, पिंपरी चिंचवड संस्कारत्न पुरस्कार – भारतीय न्यायाधीश, पिंपरी चिंचवड कलारत्न – ज्योती भीमाशंकर सेतसंदी, पिंपरी चिंचवड सिनेरत्न पुरस्कार – कृत्तिका तुळसकर, आणि रुग्णसेवा विशेष सन्मान स्वाती कुलकर्णी, शोभा तळेकर, शोभा ढोले यांना प्रदान करण्यात आला.
या बरोबर पिंपरी चिंचवड शहरातील उत्कृष्ट कार्य करणाऱ्या एकूण १४ महिला बचत गटांचा सन्मानचिन्ह व वृक्ष रोप देऊन सत्कार करण्यात आला. तसेच प्रमिला सुनील आढाव ( डेटा एन्ट्री विभाग) यांचा विशेष सन्मान करण्यात आला.
महिलांच्या सन्मानार्थ कार्यक्रम यशस्वीपणे आयोजित केल्याबद्दल पिंपरी चिंचवड पत्रकार संघाचे आभार मानून – वाचन, अभ्यास, संशोधन ज्ञान, विज्ञान, आरोग्य, महिला सक्षमीकरण यासाठी पिंपरी चिंचवड शहरामध्ये नवीन इन्फ्रास्ट्रक्टर उभे केले जाणार असून या नवनिर्मितीत पुरुषांप्रमाणेच महिलांना संधी उपलब्ध करून देणार असल्याच्या भावना महापौर रविभाऊ लांडगे यांनी व्यक्त केल्या.
आजच्या कार्यक्रमात उपस्थित राहून कर्तृत्ववान रणरागिणींचा सन्मान करता आला आणि महिलांसोबत विचारांची देवाणघेवाण करता आल्याचे, उप महापौर शर्मिलाताई बाबर यांनी समाधान व्यक्त केले. तर अखिल भारतीय मराठी पत्रकार परिषद समाज हितासाठी, पत्रकारांच्या हितासाठी कार्य करीत असताना परिषेदेशी संलग्न असलेल्या पिंपरी चिंचवड पत्रकार संघाने कर्तृत्ववान महिलांचा सन्मान करण्याची परंपरा कायम ठेवत महिला भगिनींचा केलेला सन्मान इतरांना प्रेरणादायी ठरत असल्याची भावना पत्रकार परिषेद विश्वस्त शरद पाबळे यांनी व्यक्त केली.
या कार्यक्रमासाठी राज्य कार्यकारिणी सदस्य अनिल वडघुले, चिराग फुलसुंदर यांनी निवड समिती चे काम केले.तर लिटिल सायंटिस्ट चे दत्तात्रय गिरमकर, निलेश बोराडे, आणि काव्य मित्रचे राजेंद्र सगर उपस्थित होते. दरम्यान या सन्मान सोहळ्यामध्ये काव्य मैफिल संपन्न झाली. कवी प्रकाश गायकवाड, कवी देवेंद्र गावंडे, प्राध्यापिका कवयित्री सुषमा भालेराव यांनी उपस्थितांची मने जिंकणाऱ्या कविता सादर केल्या. काव्य संचालन राजेंद्र सगर यांनी केले.
जागतिक महिला दिनानिमित्त योजित कर्तृत्ववान रणरागिणींच्या या उपक्रमामुळे समाजात महिलांच्या योगदानाची जाणीव अधिक दृढ होऊन महिलांना प्रोत्साहन मिळेल, असा विश्वास पिंपरी चिंचवड पत्रकार संघाचे अध्यक्ष सागर गोपाळ सूर्यवंशी यांनी व्यक्त केला.
कार्यक्रमाचे सूत्रसंचालन डिजिटल मिडिया परिषद शहराध्यक्ष विनय सोनवणे यांनी केले तर आभार परिषद कार्यकारिणी सदस्य व पिंपरी चिंचवड पत्रकार संघ मा. अध्यक्ष अनिल वडघुले यांनी मानले.
